Xanima kozê Gava ku mirov çîrokên Enwer Karahan dixwîne, di destpêkê de mirov dibêje ev çîrok, an jî ev mesele bi serê min de jî hatiye, an jî min berê bihîstîye ku bi serê yekî de hatîye. Lê Enwer Karahan wê serpêhatîyê, meseleyê an jî bûyerê bi awayekî hosteyane ji warê otantik derdixe û bi awayekî modern dirijîne ser kaxezê. Dîsa taybetîyeke din a kurteçîrokên Enwer Karahan ew e ku mirov di gelek çîrokên wî de bîhna bajarvanîyê his dike. Bûyer her tim ne gund e. Bûyer her tim ne di navbera du gundîyan de ye. Carna bûyerê ji gund derdixe tine bajêr, carna ji bajarekî Kurdistanê derdixe tîne bajarekî an jî paytextekî Ewrûpayê. Û li bajêr jî bêguman êdî peywendîyên bajarvanîyê dest pê dikin Mahmûd Lewendî Enwer Karahan ji wan du-sê çîroknivîsên kurd e ku di asta çîroknivîsên cîhana hemdem de ne. Mûrad Ciwan
