SÊV JÎ ME DIKUJIN

Êş, bêhêvîtî, mirin, malên vîkîvala, xem û keser… Helbestvan Mizgîn Ronak bi dîwana xwe ya yekem Sêv jî Me Dikujin dîroka Kurdan ya bi derd û êş -ligel ku navê pirtûkê ji bêhna gaza kîmyewî ya Helebçeyê tê û vegotiner carina me dibe Mahabadê- radixe pêşberî xwîneran. Navê berhemê bi “kuştin” e û ji ber vê ye ku gelek helbestên tê de, bi qîrînên wekî “wax û eman”, bi pirsên mîna “tu li kû yî heval?” dest pê dikin. Mizgîn Ronakê helbesta xwe bi berxwedêrên cîhanê yên wekî Geronîmo, Beloyannîs xurttir kiriye; lê Helebçeya ku qet ji hişê Kurdan naçe, di kitabê de jî gelek caran xwe nîşanî xwendevanan dide.