Pîrajmon - Dîrok û Romite

“Kirdkî Maya Zonê Mayi yo!” “Pîrajmon koyê şêx Mehmedî vera wo, tena yêyî zî koyî daya ya. Ca û warê yêyî kaşûkuşî hesebînî. Tam ha rocî vera wo. Zimistonî verarocikê yêyî nomedar î. Rocwelatê yêyî di Xoponî û Bîrigi estî, rocawonê yêyî di zî Turegnagi û Herîdon estî. Vakur di Wişklayi û Xizirîyi estî, vaşur di zî Erseki, Fela û Weldere estî. Nurri û durra Pîrajmonî bi koyon qefelnaye wo. Xora tira vacîno dewa koyî. Nomeyê yayi pirrçemon sero bivacîyo zî hetê bejêyi di zî ayo dormere ra sey yayi yewîna dewi çinî ya. Darûberê yayi zî vengonîn î. Êzima azgeli Pîrajmon ra teber ayo dormere di hima hima çinî ya. Hewawo kû verînon vatibi û alimatê arkeolojîyî nawnenî, yew dewa verîn û kevnar a. Dewonê qadîmon ra yewi zî ya ya.”