Pirtûka Dekak, ku li ser rojnamevaniyê hatiye nivîsandin bi pirsa “Nûçe çi ye?” dest pê dike. Her wiha di pirtûkê de ji pirsên “Nûçe çawa tê nivîsandin?”, “Hêmanên nûçeyê çi ne?”, “Hevpeyvîn çawa tê tê kirin?”, “Lêkerên nûçeyê çi ne?”, “Kîjan lêker li ku têne bikaranîn?”, “Cudatiya nûçevaniya di navbera ajans û rojnameyê de çi ne”, “Kîjan nûçe ji kîjan çavkaniyan tê girtin?” bersiv têne dîtin. Di pirtûkê de bi mînakên dewlemend teknîka nivîsandina nûçeyan tê nîşandan û li ser wergera tirkî ji bo Kürtçe jî xalên girîng têne destnîşankirin. Di pirtûkê de hêmanên bingehîn ên rojnamevaniyê ku di tirkî de weke 5N1K tê zanîn jî bi Kürtçe weke 3Ç+3K (Çi, Çima, Çawa, Kî, Kengê, (li) Ku derê) hatiye formulekirin. Rojnamevan Maşallah Dekak, pirtûka xwe diyarî Mîqdad Mîdhed Bedirxan ku di 1989'an de li Qahîreyê yekem car rojnameya Kürtçe “Kurdistan” derxistibû dike. Pirtûk ji bo kesên ku nû dest bi rojnamevaniya Kürtçe dikin û di vî warî de tengezariyê dikêşin çavkaniyeke girîng e. Dekak ku niha di ajansa AKnews'ê de li Amedê rojnamevanî dike, di pêşgotina pirtûkê de wiha bersiv dide pirsa “Çima pirtûkeke wisa?”: “Di roja me ya îroyîn de înternet ketiye her malê û kurd jî bi malperên Kürtçe yên nûçeyan dixwazin dengê xwe bigihînin cîhanê û dengê cîhanê jî bigihînin kurdan. Lê di rojnamevaniya Kürtçe de derbarê nivîsandina nûçeyê de hê jî standartbûnek pêk nehatiye. Ji ber ku li zanîngehên Tirkiyeyê li ser rojnamevaniya Kürtçe beş nîn in, kurd bi hewldan û qebîliyetên xwe yên takekesî rojnemavaniyê hîn dibin. Ev yek jî heta dereceyek diçe û piştre dixitime. Ji ber vê yekê di rojnamevaniya Kürtçe de profesyonelî bi pêş nakeve. Ez hêvî dikim ku ev pirtûk hindik be jî nûçe û nûçevaniya Kürtçe nêzî standardiyek bike.”
