FINCANA FERFÛRÎ

Têmûr, Sertîv, Mîrza û Meyrê, li Yêrivanê xwendekarên zankoyê ne. Her yek ji çandeke cuda, her yek ji civakeke cuda û her yek ji derdoreke cuda tên. Tekane xala hevpar a ku jîyana wan digihîne hev, Kurdbûn e. Di romanê de xwendekar dibe şahidê jîyana xwendekarîyê a dilzîzane, arişe û kêşeyên di navbera keç û kurên dildar de, hal û rewşa derûnîyên tevlihev, danûsitandinên bi rêya fikir û hestan ên xwendekaran de, ger û geştên hestîyar û pêwendîyên cur be cur bi di tehma romaneke klasîk de li ber xwendevana tê raxistin. Ezîzê Gerdenzerî, bi Fincana Ferfûrî derbên xweş û bandorkar li dil û hişê xwendevanan dixe. Him di şêwaz û vegotina romaneke klasîk de û him jî di tehma romaneke nûjen de ku alîyên dîtir ên hunera romanê pêşkeşî xwendevan dike dikare were xwendin. “Di xewnê de ew keç li jor bû, pir li jor, li ber perê asîmanan. Ew li ser ewrên spî siwarbûyî bû, cil û bergên cilqerqaşî li ser bejnê, heyv wekî taca zîvîn li ser serî, stêrk nolî hoza biharê li doranê wê çîtgirtî, berê wê jî ber bi hevraz de bû.”