Cindoyê Gavan

Cindo di jiyana xwe ya dûvedirêj de gelek salên nexweş derbas kirin. Mamê Cindo merivekî mektep û medrese nedîtî bû. Lê belê weke cîrokbêjekî serwext di jiyana wî de çi dîtibû yek bi yek di bîra wî de bû. Meriv digot, mamê Cindo yekî xwendî ye. Em piçûk bûn, diçûn cem wî rûdiniştin, ji me re behsa gelek tiştên di serê wî re derbas bûne, dikir. Behsa cendirmeyên Romê dikir. Cendirme çawa hatine gund, bûne mêvanê muxtêr, Çawa qerewilê gund şandine pey wî bi zimanekî çîrokbêjî yê şîrîn digot. Me bi hewes û heyran guhê xwe dida wî. Min piçûktî meraqa van tiştên wiha dikir. Te yê bigota ez ê bikevime devê Mamê Cindo, min ew qas bala xwe dida wî, guhdarî lê dikir..