AŞDAD | Hukuk Dergisi (Sayı-1) - KOVARA SÊMEHANE YA HIQÛQÊ

Ji Edîtor... Xwendevanên hêja! Piştî xebat û lêkolîneke dûr û dirêj digel hewldanên bêwestan di qada hiqûqê da kovareke nipî nû û hêja dertê pêşberî we... Çima AŞDAD û AŞDAD çi ye? AŞDAD... Di mîtolojî û baweriya vî welatê qedîm da navê xwedawenda edalet û hiqûqê ye... AŞDAD... Di dîroka kevnar a vê herêma qedîm da navê kesayeta ku hêza xwe ji edaletê werdigire ye... AŞDAD... Di tekoşîna parêzeriya mafên bingehîn ên vî gelî da navê hêza xwejixweafirandinê ye... AŞDAD... Kovara Sêmehane ya Hiqûqê ye... AŞDAD... Ji her kesên ku bixwazin bi bîr û baweriya xwe ya kurdewariyê, mafên xwe li her deverê û di her mercî da biparêzin derê xwe heta dawiyê vekiriye... AŞDAD... Di qada xwe de bi zimanê Kurdî|Kurmancî nimûneya yekemîn e û dixwaze bi hêz û piştgiriya we temenê xwe her dirêj bike û bi we ra be... AŞDAD... Bi hejmara xwe ya yekemîn li hemû kurdîhez û mafparêz û dildarên bîreweriya mafdariya vî gelî pîroz be! AŞDAD... Li me tevan pîroz be!..